Frihamnsenteret i Skånevik er del av Klinikk for stressmedisin,
klinikksjef dr.med.Bjarte Stubhaug, spesialist  i psykiatri.
Klinikken er del av Helse Vest si spesialisthelseteneste, og tar imot pasientar tilvist frå lege eller institusjon, og. Pasientar betaler vanleg eigendel, og får dekka reise- og opphaldsutgifter etter vanlege reglar.

Klinikken har også poliklinikk-kontor ved Albatross-senteret, Sveio.

Klinisk tilbud:

Pasientar som blir tilvist av lege får tilbud om konsultasjon for utgreiing, diagnostikk og vurdering av behandlingsmotivasjon.

Behandling kan vere individuell, med regelmessige avtalar, der både psykoterapi og medikamentell behandling kan vere aktuelt, etter tilstand og behov. Behandling kan også vere i gruppe (8 pasientar), med intensive behandlingsprogram over 4 dagar. Slike behandlingsprogram har ulik klinisk profil; førebels har vi etablert spesifikke program for kronisk utmattingssyndrom, CFS/ ME og tilstandar med stressplager og mestringssvikt.

Intensivt behandlingsprogram CFS/ME:

Gruppebasert, 8 deltakarar, 4 dagar.

Undervisning: fysiologisk medisin, stress og aktivering

Stressmestring, oppmerksomhetstrening (OT), mindfulness.

Kognitiv mestringsterapi, symptom- og sjukdomsmestring

Positiv psykologisk terapi, skriveøvingar

Fysisk aktivitet med integrert oppmerksomhetstrening.

Alt klinisk arbeid er integrert med forskningsstudier for å auke kunnskapen om CFS/ME og studere effekt av systematisk behandling.